Saňa näm boldy

Saňa näm boldy

Ala gözli ablaksaýat,

Saňa näm boldy, näm boldy?

Şähdi-şeker dilleriňden

Sözle, näm boldy, näm boldy?

Talandy, göwnüm talandy,

Bakyşyň janym alandy,

Ak göwsüň bäri dolandy,

Saňa näm boldy, näm boldy?

Sen otyrsyň serhoş eýläp,

Göreniň bagryn daş eýläp,

Gel, ikimiz meý noş eýläp, —

Saňa näm boldy, näm boldy?

Seýdi diýer, gülüp bakyp,

Al ýaňakdan zülpüň döküp,

Assa ýöräp, aýak çekip,

Saňa näm boldy, näm boldy?

سیدی Türkmen şahyry: Seýdi